जिवाचा आटापिटा करणे

मराठी वाक्प्रचार 'जिवाचा आटापिटा करणे'

मराठी व्याकरणामध्ये मूळ अर्थापेक्षा भिन्न अशा विशिष्ट अर्थाने रूढ झालेल्या शब्दसमूहाला 'वाक्प्रचार' असे म्हणतात.

'जिवाचा आटापिटा करणे' हा मराठी भाषेतील एक वाक्प्रचार आहे.

वाक्प्रचाराचा अर्थ

• खूप कष्ट करणे
• खूप धडपड करणे

वाक्प्रचाराचा वाक्यातील उपयोग

उदाहरण क्र. १

• वार्षिक स्नेहसंमेलनाचा कार्यक्रम सुयोग्य रीतीने पार पाडण्यासाठी विद्यार्थ्यांनी जिवाचा आटापिटा केला.

वरील वाक्यात असे दिसते की वार्षिक स्नेहसंमेलनाचा कार्यक्रम सुयोग्य रीतीने पार पाडण्यासाठी विद्यार्थ्यांनी खूप धडपड केली.

हे दर्शविण्यासाठी ‘खूप धडपड करणे’ या ऐवजी ‘जिवाचा आटापिटा करणे’ या वाक्प्रचाराचा उपयोग केलेला आहे.

उदाहरण क्र. २

• परीक्षेत चांगले गुण मिळविण्यासाठी प्रसादने जिवाचा आटापिटा केला.

वरील वाक्यात असे दिसते की परीक्षेत चांगले गुण मिळविण्यासाठी प्रसादने खूप कष्ट केले.

हे दर्शविण्यासाठी ‘खूप कष्ट करणे’ या ऐवजी ‘जिवाचा आटापिटा करणे’ या वाक्प्रचाराचा उपयोग केलेला आहे.

'जिवाचा आटापिटा करणे' या वाक्प्रचाराची इतर उदाहरणे

• प्रजासत्ताक दिनाचे संचलन व्यवस्थित पार पडण्यासाठी मोहन सरांनी जिवाचा आटापिटा केला.
• मुलीच्या शस्त्रक्रियेला लागणारे पैसे जमवण्यासाठी शंकरने जिवाचा आटापिटा केला.
• गावकऱ्यांनी आग विझवण्यासाठी जिवाचा आटापिटा केला.