सामान्यनाम म्हणजे काय?
एकाच जातीच्या पदार्थाच्या समान गुणधर्मामुळे त्या वस्तूला जे नाव दिले जाते, त्या नावाला सामान्यनाम असे म्हणतात.
ज्या नामामुळे एकाच प्रकारच्या तसेच एकाच जातीच्या समान / सारख्या गुणधर्मामुळे त्या वस्तूचा किंवा प्राण्याचा अथवा पदार्थाचा बोध होतो, त्या नामाला सामान्यनाम असे म्हणतात.
नियम क्र. १
सामान्यनाम हे नेहमी जातीवाचक असते. सामान्यनामामुळे एखादी वस्तू किंवा प्राणी ज्या नावाने ओळखला जातो, त्या प्रकाराचा अथवा जातीचा अर्थबोध होतो.
नियम क्र. २
सामान्यनाम हे जातीवाचक असल्यामुळे त्याचे बहुदा अनेकवचन होते.
सामान्यनामाची काही उदाहरणे –
मुलगामुलगीघरशाळानदीदूधपाणीपर्वतगायमांजरशिक्षकशेतकरी