सुरूंग लावणे

मराठी वाक्प्रचार 'सुरूंग लावणे'

मराठी व्याकरणामध्ये मूळ अर्थापेक्षा भिन्न अशा विशिष्ट अर्थाने रूढ झालेल्या शब्दसमूहाला 'वाक्प्रचार' असे म्हणतात.

'सुरूंग लावणे' हा मराठी भाषेतील एक वाक्प्रचार आहे.

वाक्प्रचाराचा अर्थ

• एखादा बेत उधळून लावणे
• एखाद्या कार्यात अडथळा आणणे

वाक्प्रचाराचा वाक्यातील उपयोग

उदाहरण क्र. १

• नवीन आलेल्या प्रशासनाने कल्याणकारी योजनांना सुरूंग लावला.

वरील वाक्यात असे दिसते की नवीन आलेल्या प्रशासनाने कल्याणकारी योजना राबविण्याचा बेत उधळून लावला.

हे दर्शविण्यासाठी 'बेत उधळून लावणे' याऐवजी 'सुरूंग लावणे' या वाक्प्रचाराचा उपयोग केलेला आहे.

उदाहरण क्र. २

• चौपाटीवर कचरा करून पालिकेने राबविलेल्या स्वच्छता मोहिमेला नागरिकांनी सुरूंग लावला.

वरील वाक्यात असे दिसते की चौपाटीवर कचरा करून पालिकेने राबविलेल्या स्वच्छता मोहिमेत नागरिकांनी अडथळा आणला.

हे दर्शविण्यासाठी 'अडथळा आणणे' याऐवजी 'सुरूंग लावणे' या वाक्प्रचाराचा उपयोग केलेला आहे.

'सुरूंग लावणे' या वाक्प्रचाराची इतर उदाहरणे

• मुघलांच्या साम्राज्यविस्ताराला छत्रपती शिवाजी महाराजांनी सुरूंग लावला.
• मधू नापास झाल्याने आईच्या स्वप्नांना सुरूंग लागला.