नाक मुरडणे

मराठी वाक्प्रचार 'नाक मुरडणे'

मराठी व्याकरणामध्ये मूळ अर्थापेक्षा भिन्न अशा विशिष्ट अर्थाने रूढ झालेल्या शब्दसमूहाला 'वाक्प्रचार' असे म्हणतात.

'नाक मुरडणे' हा मराठी भाषेतील एक वाक्प्रचार आहे.

वाक्प्रचाराचा अर्थ

• नाराजी व्यक्त करणे
• नापसंती दर्शवणे
• नाराज होणे

वाक्प्रचाराचा वाक्यातील उपयोग

उदाहरण क्र. १

• नवीन अर्थसंकल्पावर विरोधी पक्षाने नाक मुरडले.

वरील वाक्यात असे दिसते की नवीन अर्थसंकल्पावर विरोधी पक्षाने नाराजी व्यक्त केली.

हे दर्शविण्यासाठी 'नाराजी व्यक्त करणे' याऐवजी 'नाक मुरडणे' या वाक्प्रचाराचा उपयोग केलेला आहे.

उदाहरण क्र. २

• ताटात कारल्याची भाजी दिसताच प्रतिकने नाक मुरडले.

वरील वाक्यात असे दिसते की ताटात कारल्याची भाजी दिसताच प्रतिकने नापसंती दर्शवली.

हे दर्शविण्यासाठी 'नापसंती दर्शवणे' याऐवजी 'नाक मुरडणे' या वाक्प्रचाराचा उपयोग केलेला आहे.

'नाक मुरडणे' या वाक्प्रचाराची इतर उदाहरणे

• राधिकाची साडी आपल्यापेक्षा सुंदर आहे हे बघताच मनिषाने नाक मुरडले.
• दिपाली शिक्षणासाठी परदेशात जाणार हे समजताच ललिताने नाक मुरडले.
• शीतलचा पहिला क्रमांक आला हे समजताच किरणने नाक मुरडले.