दंग होणे

मराठी वाक्प्रचार 'दंग होणे'

मराठी व्याकरणामध्ये मूळ अर्थापेक्षा भिन्न अशा विशिष्ट अर्थाने रूढ झालेल्या शब्दसमूहाला 'वाक्प्रचार' असे म्हणतात.

'दंग होणे' हा मराठी भाषेतील एक वाक्प्रचार आहे.

वाक्प्रचाराचा अर्थ

• मग्न होणे
• गुंग असणे

वाक्प्रचाराचा वाक्यातील उपयोग

उदाहरण क्र. १

• गीतरामायण ऐकताना आई रामनामात दंग झाली.

वरील वाक्यात असे दिसते की गीतरामायण ऐकताना आई रामनामात मग्न झाली.

हे दर्शविण्यासाठी 'मग्न होणे' याऐवजी 'दंग होणे' या वाक्प्रचाराचा उपयोग केलेला आहे.

उदाहरण क्र. २

• मीनल नवीन आणलेल्या बाहुलीशी खेळण्यात दंग झाली.

वरील वाक्यात असे दिसते की मीनल नवीन आणलेल्या बाहुलीशी खेळण्यात गुंग झाली.

हे दर्शविण्यासाठी 'गुंग होणे' याऐवजी 'दंग होणे' या वाक्प्रचाराचा उपयोग केलेला आहे.

'दंग होणे' या वाक्प्रचाराची इतर उदाहरणे

• नाटक बघण्यात नाट्यरसिक दंग झाले.
• लहान मुले खेळण्यात दंग होती.
• संगीत ऐकण्यात संगीतप्रेमी दंग झाले.
• चित्रपट बघण्यात चित्रपटप्रेमी दंग झाले.
• स्वरा चित्र काढण्यात दंग झाली.
• वारकरी विठ्ठल भजनात दंग होते.
• आकाशकंदील बनवण्यात सर्व मुले दंग झाली.