अपसरणचिन्ह

'अपसरणचिन्ह' म्हणजे काय?

( – ) हे अपसरणचिन्ह आहे.

'अपसरणचिन्ह' हे चिन्ह मराठी व्याकरणातील विरामचिन्हांचा भाग आहे.

मराठी वाक्यात एखाद्या मुद्द्याचं स्पष्टीकरण द्यावयाचे असल्यास तो मुद्दा लिहून त्यापुढे 'अपसरणचिन्ह' वापरले जाते.

उदाहरणार्थ,

उदाहरण क्र. १

• शेती – शेती हा भारतातील प्रमुख व्यवसाय आहे. भारतातील ७०% जनता शेतीवर अवलंबून आहे.

वरील वाक्यामध्ये 'शेती' या शब्दानंतर त्या मुद्द्याचे स्पष्टीकरण देण्यासाठी 'अपसरणचिन्ह' ( – ) वापरले आहे.

उदाहरण क्र. २

• संस्कृत – संस्कृत ही विश्वातील सर्वात प्राचीन भाषा आहे. तिला देववाणी असे देखील म्हणतात.

वरील वाक्यामध्ये 'संस्कृत' या शब्दानंतर त्या मुद्द्याचे स्पष्टीकरण देण्यासाठी 'अपसरणचिन्ह' ( – ) वापरले आहे.

उदाहरण क्र. ३

• वाचनाचे फायदे – वाचनाचे फायदे अगणित आहेत. वाचनामुळे आपल्याला नवनवीन माहिती मिळते. तसेच, ज्ञानात भर पडते.

वरील वाक्यामध्ये 'वाचनाचे फायदे' या मुद्द्यानंतर त्याचे स्पष्टीकरण देण्यासाठी 'अपसरणचिन्ह' ( – ) वापरले आहे.

उदाहरण क्र. ४

• माझे आवडते लेखक – माझे आवडते लेखक आहेत 'व.पु.काळे', त्यांचे संपूर्ण नाव 'वसंत पुरूषोत्तम काळे' असे आहे. त्यांनी अनेक कथा, कादंबऱ्या लिहिल्या आहेत.

वरील वाक्यामध्ये 'माझे आवडते लेखक' या मुद्द्यानंतर त्याचे स्पष्टीकरण देण्यासाठी 'अपसरणचिन्ह' ( – ) वापरले आहे.