थक्क होणे

उदाहरण क्र. १

शर्विकाने लहान वयातच १०० किल्ले सर केले आहेत, हे समजताच अलिबागकर थक्क झाले.

वरील वाक्यामध्ये असे दिसते की शर्विकाने लहान वयातच १०० किल्ले सर केले आहेत, हे समजताच अलिबागकरांना आश्चर्य वाटले.

हे दर्शविण्यासाठी ‘आश्चर्य वाटणे’ याऐवजी ‘थक्क होणे’ या वाक्प्रचाराचा उपयोग केलेला आहे.

उदाहरण क्र. २

छोट्या विधिराचे कथ्थक नृत्य बघून प्रेक्षक थक्क झाले.

वरील वाक्यामध्ये असे दिसते की छोट्या विधिराचे कथ्थक नृत्य बघून प्रेक्षकांना आश्चर्य वाटले.

हे दर्शविण्यासाठी ‘आश्चर्य वाटणे’ याऐवजी ‘थक्क होणे’ या वाक्प्रचाराचा उपयोग केलेला आहे.

‘थक्क होणे’ या वाक्प्रचाराची इतर उदाहरणे

• ‘वीर जवान’ हा चित्रपट पाहताना प्रेक्षक थक्क झाले.

• परागबुवांचा ज्ञानेश्वरीचा अभ्यास आणि त्यातील सूक्ष्म अर्थाचे बारकावे बघून मी थक्क झाले.