केसाने गळा कापणे

मराठी वाक्प्रचार 'केसाने गळा कापणे'

मराठी व्याकरणामध्ये मूळ अर्थापेक्षा भिन्न अशा विशिष्ट अर्थाने रूढ झालेल्या शब्दसमूहाला 'वाक्प्रचार' असे म्हणतात.

'केसाने गळा कापणे' हा मराठी भाषेतील एक वाक्प्रचार आहे.

वाक्प्रचाराचा अर्थ

• विश्वासघात करणे
• दगा देणे

वाक्प्रचाराचा वाक्यातील उपयोग

उदाहरण क्र. १

• जमिनीसाठी सचिनने सख्या भावाचा केसाने गळा कापला.

वरील वाक्यामध्ये असे दिसते की जमिनीसाठी सचिनने सख्या भावाचा विश्वासघात केला.

हे दर्शविण्यासाठी या वाक्यात ‘विश्वासघात करणे’ या ऐवजी ‘केसाने गळा कापणे’ या वाक्प्रचाराचा उपयोग केलेला आहे.

उदाहरण क्र. २

• केसाने गळा कापणे हे काही राजकीय लोकांना नवीन नाही.

वरील वाक्यामध्ये असे दिसते की दगा देणे हे राजकीय लोकांना नवीन नाही.

हे दर्शविण्यासाठी या वाक्यात ‘दगा देणे’ या ऐवजी ‘केसाने गळा कापणे’ या वाक्प्रचाराचा उपयोग केलेला आहे.

'केसाने गळा कापणे' या वाक्प्रचाराची इतर उदाहरणे

• मानसने जन्मदात्या आई-वडिलांना वृद्धाश्रमात सोडून त्यांचा केसाने गळा कापला.
• वामनरावांनी अमनवर विश्वास ठेवला; पण त्यानेच वामनरावांचा केसाने गळा कापला.
• कपटी मित्राने जिग्नेशचा केसाने गळा कापला.
• गोड बोलणारी माणसे कधीकधी केसाने गळा कापतात.