हट्टाला पेटणे

मराठी वाक्प्रचार 'हट्टाला पेटणे'

मराठी व्याकरणामध्ये मूळ अर्थापेक्षा भिन्न अशा विशिष्ट अर्थाने रूढ झालेल्या शब्दसमूहाला 'वाक्प्रचार' असे म्हणतात.

'हट्टाला पेटणे' हा मराठी भाषेतील एक वाक्प्रचार आहे.

वाक्प्रचाराचा अर्थ

• अजिबात ऐकून न घेणे
• हट्ट न सोडणे

वाक्प्रचाराचा वाक्यातील उपयोग

उदाहरण क्र. १

• काहीही करून नवीन फोन मिळवायचाच यासाठी स्वरा हट्टाला पेटली.

वरील वाक्यामध्ये असे दिसते की नवीन फोन मिळवण्यासाठी स्वरा तिचा हट्ट सोडत नव्हती किंवा ती कोणाचेही अजिबात ऐकून घेत नव्हती.

हे दर्शविण्यासाठी 'हट्ट न सोडणे' याऐवजी 'हट्टाला पेटणे' या वाक्प्रचाराचा उपयोग केलेला आहे.

उदाहरण क्र. २

• दुकानामध्ये नवीन खेळणे विकत घेण्यासाठी रोहन हट्टाला पेटला.

वरील वाक्यामध्ये असे दिसते की खेळणे विकत घेण्यासाठी रोहन त्याचा हट्ट सोडत नव्हता किंवा तो कोणाचेही अजिबात ऐकून घेत नव्हता.

हे दर्शविण्यासाठी 'हट्ट न सोडणे' याऐवजी 'हट्टाला पेटणे' या वाक्प्रचाराचा उपयोग केलेला आहे.

'हट्टाला पेटणे' या वाक्प्रचाराची इतर उदाहरणे

• दोन महिन्यांत नवीन व्यवसाय सुरू करायचाच यासाठी दीपाली हट्टाला पेटली.
• आईने खरेदीसाठी दादरलाच यावे यासाठी निशा हट्टाला पेटली.