पुरूषवाचक सर्वनाम

पुरूषवाचक सर्वनाम – विषय सूची

• “पुरूषवाचक सर्वनाम” म्हणजे काय?
• प्रथम पुरूषवाचक सर्वनाम
• द्वितीय पुरूषवाचक सर्वनाम
• तृतीय पुरूषवाचक सर्वनाम
• पुरूषवाचक सर्वनामे

पुरूषवाचक सर्वनाम म्हणजे काय?

मराठी वाक्यामध्ये पुरूषवाचक नामाऐवजी जो शब्द वापरला जातो, त्याला पुरूषवाचक सर्वनाम असे म्हणतात.

१. प्रथम पुरूषवाचक सर्वनाम

उदाहरणार्थ,

मी उद्या गावाला जाणार आहे.

स्वतःचे काम स्वतः करावे.

आम्ही काल एकत्र अभ्यास केला.

वरील वाक्यांमधील मी, स्वतः ही एकवचनी प्रथम पुरूषी सर्वनामाची उदाहरणे आहेत.

तर, आम्ही हे अनेकवचनी प्रथम पुरूषी सर्वनामाचे उदाहरण आहे.

२. द्वितीय पुरूषवाचक सर्वनाम

उदाहरणार्थ,

तू काही काम करत होतास का?

तुम्ही सर्व आत या.

आपण याविषयी काही बोलणार आहात का?

वरील वाक्यांमधील तू हे एकवचनी द्वितीय पुरूषी सर्वनामाचे उदाहरण आहे.

तर, तुम्ही आणि आपण ही अनेकवचनी द्वितीय पुरूषी सर्वनामाची उदाहरणे आहेत.

३. तृतीय पुरूषवाचक सर्वनाम

उदाहरणार्थ,

ती रोज संध्याकाळी बागेमध्ये फिरायला जाते.

तो कालपासून खूप आजारी आहे.

त्या सर्व मुली खूप हुशार आहेत.

त्यांनी काल सर्व घराची साफसफाई केली.

वरील वाक्यांमधील ती आणि तो ही एकवचनी तृतीय पुरूषी सर्वनामाची उदाहरणे आहेत.

तर, त्या आणि त्यांनी ही अनेकवचनी तृतीय पुरूषी सर्वनामाची उदाहरणे आहेत.

पुरूषवाचक सर्वनामे

पुरूष	एकवचनी सर्वनामे	अनेकवचनी सर्वनामे
प्रथम पुरूष	मी स्वतः	आम्ही
द्वितीय पुरूष	तू	तुम्ही आपण
तृतीय पुरूष	तो ती ते त्याला तिला	ते त्या ती त्यांना