पृथकवाचक विशेषण

'पृथकवाचक विशेषण' म्हणजे काय?

जे संख्याविशेषण त्याचा मूळ अर्थ न दर्शविता वेगळ्या अर्थाचा बोध करून देते, त्या संख्याविशेषणाला 'पृथकवाचक विशेषण' असे म्हणतात.

पृथकवाचक विशेषणामध्ये एकच 'गणनावाचक विशेषण' दोन वेळा वापरलेले असते.

मराठी व्याकरणातील काही पृथकवाचक विशेषणे -

एक-एक

दोन-दोन

तीन-तीन

चार-चार

पृथकवाचक विशेषणाचा वाक्यातील उपयोग

उदाहरण क्र. १

• वार्षिक स्नेहसंमेलनासाठी विद्यार्थ्यांचे पाच-पाच गट करावयाचे आहेत.

या वाक्यामध्ये विद्यार्थ्यांचे 'पाच-पाच' गट करावयास सांगितले आहेत.

पाच-पाच असे दोन वेळा सांगितल्यामुळे त्यामधून वेगळा अर्थबोध होतो.

उदाहरण क्र. २

• प्रत्येक गटातून तीन-तीन मुले पुढे या.

या वाक्यामध्ये 'तीन-तीन' मुलांना पुढे येण्यास सांगितले आहेत.

तीन-तीन असे दोन वेळा सांगितल्यामुळे त्यामधून वेगळा अर्थबोध होतो.

उदाहरण क्र. ३

• खालीलपैकी प्रत्येकी चार-चार प्रश्न सोडवणे बंधनकारक आहे.

या वाक्यामध्ये 'चार-चार' प्रश्न सोडविण्यास सांगितले आहेत.

चार-चार असे दोन वेळा सांगितल्यामुळे त्यामधून वेगळा अर्थबोध होतो.