क्रमवाचक विशेषण

'क्रमवाचक विशेषण' म्हणजे काय?

ज्या संख्याविशेषणाने एखादी व्यक्ती किंवा वस्तू यांच्या क्रमांकाचा बोध होतो, त्या संख्याविशेषणाला 'क्रमवाचक विशेषण' असे म्हणतात.

मराठी व्याकरणातील काही क्रमवाचक विशेषणे -

पहिला	दुसरा	तिसरा	चौथा
पाचवा	सहावा	सातवा	आठवा

क्रमवाचक विशेषणाचा वाक्यातील उपयोग

उदाहरण क्र. १

• विवेकचा वर्गामध्ये दुसरा क्रमांक आला.

या वाक्यामध्ये विवेकच्या क्रमांकाविषयी अधिक माहिती देण्यासाठी 'दुसरा' हे क्रमवाचक विशेषण वापरण्यात आले आहे.

उदाहरण क्र. २

• धोनी आज पाचव्या क्रमांकावर खेळणार आहे.

या वाक्यामध्ये धोनीच्या खेळातील क्रमांकाविषयी अधिक माहिती देण्यासाठी 'पाचव्या' हे क्रमवाचक विशेषण वापरण्यात आले आहे.

उदाहरण क्र. ३

चंद्रावर जाणारा नील आर्मस्ट्रॉंग हा जगातील पहिला मनुष्य होता.

या वाक्यामध्ये नील आर्मस्ट्रॉंगच्या चंद्रावर जाण्याच्या क्रमांकाविषयी अधिक माहिती देण्यासाठी 'पहिला' हे क्रमवाचक विशेषण वापरण्यात आले आहे.