हृदयाला साद घालणे

मराठी वाक्प्रचार 'हृदयाला साद घालणे'

मराठी व्याकरणामध्ये मूळ अर्थापेक्षा भिन्न अशा विशिष्ट अर्थाने रूढ झालेल्या शब्दसमूहाला 'वाक्प्रचार' असे म्हणतात.

'हृदयाला साद घालणे' हा मराठी भाषेतील एक वाक्प्रचार आहे.

वाक्प्रचाराचा अर्थ

• मनातील भावना जागृत करणे

वाक्प्रचाराचा वाक्यातील उपयोग

उदाहरण क्र. १

• गायत्रीने आपल्या नृत्याविष्काराने प्रेक्षकांच्या हृदयाला साद घातली.

वरील वाक्यामध्ये असे दिसते की गायत्रीने आपल्या नृत्याविष्काराने प्रेक्षकांच्या मनातील भावना जागृत केल्या.

हे दर्शविण्यासाठी 'मनातील भावना जागृत करणे' याऐवजी 'हृदयाला साद घालणे' या वाक्प्रचाराचा उपयोग केलेला आहे.

उदाहरण क्र. २

• विवेकच्या गिरनार दर्शनाच्या अनुभवांनी श्रोत्यांच्या हृदयाला साद घातली.

वरील वाक्यामध्ये असे दिसते की विवेकच्या गिरनार दर्शनाच्या अनुभवांनी श्रोत्यांच्या मनातील भावना जागृत केल्या.

हे दर्शविण्यासाठी 'मनातील भावना जागृत करणे' याऐवजी 'हृदयाला साद घालणे' या वाक्प्रचाराचा उपयोग केलेला आहे.

'हृदयाला साद घालणे' या वाक्प्रचाराची इतर उदाहरणे

• बहिणाबाईंच्या ओवी हृदयाला साद घालतात.
• लताताईंचा आवाज प्रत्येक भारतीयाच्या हृदयाला साद घालतो.
• अभिजीतच्या भाषणाने श्रोत्यांच्या हृदयाला साद घातली.